Félagsfundur 21. september 2016 kl. 19.30

Fyrsti félagsundur félagsins verður haldin miðvikudaginn 21. september 2016 kl. 19.30 í safnaðarheimili Grensáskirkju.

  • Birna Guðmundsdóttir heldur erindi um sögu bútasaums á Íslandi fyrir árið 1980 sem hún rannsakaði í mastersritgerð sinni, Bút fyrir bút.
  • Kynning á samkeppnum.
  • Happdrætti.
  • Sýning á verkefum frá námskeiðum síðastliðið vor hjá Elínu L. Grinberga.
  • Sumarsaumaskapur sýndur og saga þeirra sögð sem liggur að baki.

Aðgangseyrir 700 kr. fyrir félagsmenn en 1.000 kr. fyrir aðra gesti.


Vorgleði hjá Pfaff 4 maí kl. 18- 20.

Kynnt verður ný útsaumsvél (sjá auglýsingu í Fréttablaði Íslenska bútasaumsfélagsins).  Aðrar nýjungar og ýmis tilboð hjá Pfaff þar á meðal 25% afsláttur af fylgihlutum.

Boðið verður uppá léttar veitingar.  Vonumst til að sjá sem flesta.  Með kveðju frá Selmu og Laufey.


Vorferð

Árleg vorferð bútasaumsfélagisins verður laugardaginn 30 apríl næstkomandi.  Farið verður stundvíslega kl.13.00 frá Grensáskirkju.  Haldið verður austur fyrir fjall, fyrirhugað er að koma við á Eyrarbakka þar sem við fáum fróðleik frá staðkunnugum og fallegir hlutir og handverk skoðuð. Heimboð og eftirmiðdagskaffi verður á staðnum.  Síðan verður haldið í uppsveitir og tveggja rétta kvöldverður verða snæddur í Efsta Dal en fyrirhuguð heimkoma verður um kl. 21.00.  Tilkynna þarf þátttöku fyrir föstudaginn 22. apríl á netfangið fingurbjorg hja gmail.com, þátttökugjald er 8.000 kr.


Aðalfundur

Aðalfundur Íslenska bútasaumsfélagsins verður haldinn laugardaginn 09. apríl kl. 10.00.

Fundurinn verður haldinn í safnaðarheimili Grensáskirkju

Störf aðalfundar eru:

1. Fundasetning, kosning fundastjóra og fundaritara.

2. Skýrsla stjórnar um störf á liðnu ári

3. Endurskoðaðir reikningar lagðir fram til samþykktar

4. Tillaga um árgjald

5. Skýrslur nefnda

6. Lagabreytingar, enda hafi þær borist stjórn fyrir boðun aðalfundar

7. Kosning formans

8. Kosning meðstjórnanda

9. Kosning varamanna

10. Kosning tveggja skoðunarmanna

11. Kosning í nefndir

12. Önnur mál

13. Aðalfundi slitið.

Gamanferðir, munu kynna handavinnutengdar ferðir sem þau bjóða upp á.

Sýning á hetjutppum sem borist hafa.

Hlé.

Ferðatöskusala og spjall.


Námskeið með Elinu L. Grinberga

Íslenska bútasaumsfélagið býður félagsmönnum sínum að taka þátt í námskeiðum með Elina L. Grinberga frá Lettlandi.   Tvö námskeið verða í boði, en kennt verður á ensku og í Reykjavík:

  • 9 apríl kl. 13.00- 17.00 Inspiring nature  leaf motif, 3 tíma námskeið,  þáttökugjald 3.000 kr.
  • 10 apríl kl. 10.00 – 17.00 Inspiring classics open window motif,6 tíma námskeið, þátttökugjald 7.000 kr.
  • 11 apríl ef áhugi er fyrir hendi þá verður boðið uppá endurtekningu á öðru hvoru námskeiðinu ef þátttaka er næg.

Þátttaka tilkynnist fyrir 1 mars á netfangið fingurbjorg hja gmail.com


The Knitting & Stitching Show

Gaman ferðir bjóða uppá hópferð á sýninguna “The Knitting & Stitching Show” nú í byrjun mars.


Saumadagur 23. janúar í Safnaðarheimili Grensáskirkju

Íslenska bútasaumsfélagið heldur sinn árlega bútasaumsdag laugardaginn 23 janúar kl 10 – 16.  Allir mæta með sinn saumaskap og sauma það sem hver vill.   Ef einhver á í vandræðum með einhvern saumaskap er upplagt að kom á saumadag og leita ráða hjá þeim sem þar verða.

Þáttökugjald 1000 kr. Kaffi á staðnum en munið eftir því að taka með ykkur nesti.

Verkefni 1. Regína Eiríksdóttir verður með fræðsluhorn fyrir þá sem vilja spreyta sig á samkeppni EQA á þessu ári sem er kveðja frá Íslandi. Mun hún fara yfir grunnhönnun á verkinu. Hver hannar sitt verkefni.

Verkefni 2. Hjördís Gunnarsdóttir leiðbeinir með litaval og aðferð við að sauma „strada star“ í dúk eða teppi. Hægt er að sauma tvær stærðir 36×36“ eða 42×42“  Í „strada star“ þarf  25cm  x 7 litir. 8 litir í stærra stykki. Efnin má skera í 1.5“ breyðar lengjur. Taka með ykkur stiku sem er a.m.k. 12×12  (má vera stærri) og saumavél.

Verslunin Virka bíður þeim sem verða á saumadeginum 15% afslátt af bútasaumsefnum fram að 23. jan.  Tilkynna þarf þátttöku með pósti á netfangið ameria hja internet.is til að fá afsláttinn.

Stjórn Íslenska bútasaumsfélagsins.


Dagskrá

Miðvikudagur 17. febrúar. 2016

Laugardagurinn 9. Apríl 2016. Aðalfundur.

Laugardagurinn 30. Apríl 2016. Vorferð

Sunnudagurinn 19. júní 2016. Evrópski bútasaumsdagurinn


Kveðja frá Íslandi

Þátttökureglur fyrir samsýningu EQA 2016.


Bútamessa 29. nóvember

Fyrsti sunnudagur í aðventu, 29. nóvember 2015.

Sunnudaginn 29. nóvember n.k.; fyrsta sunnudag í aðventu, verður bútasaumsmessa í Áskirkju kl. 11:00. Um er að ræða messu með þátttöku félaga úr Íslenska bútasaumsfélaginu, sem lesa ritningarlestra og sýna verk sín. Guðspjall dagsins segir m.a. frá því að mannfjöldinn í Jerúsalem hafi fagnað Jesú við innreið hans til borgarinnar með því að breiða klæði sín á veginn. Því fer vel á að bútasaumsverk verði breidd út og sýnd í kirkjunni og einnig höfð til sýnis í safnaðarheimili kirkjunnar að messu lokinni, þar sem boðið verður upp á kleinur með kaffinu.
Íslenska bútasaumsfélagið hefur starfað í rúm 15 ár og staðið fyrir fjölbreytilegum námskeiðum og sýningum á ýmsum stöðum, og meira að segja haldið vinnudag í safnaðarheimili Áskirkju, þar sem félagar hafa borið saman bækur sínar og búta, enda veitir bútasaumur mikinn félagsskap og stuðlar að góðri samvinnu.
Félagar í Íslenska bútasaumsfélaginu hafa í gegnum tíðina saumað teppi sem afhent hafa verið Umhyggju, félagi langveikra barna. Börnin hafa valið sér teppi sem hafa glatt þau og veitt þeim yl.
Sr. Sigurður Jónsson sóknarprestur prédikar við messuna og þjónar fyrir altari. Kammerkór Áskirkju syngur. Organisti er Magnús Ragnarsson. Barnastarfið verður á sínum stað, og annast djákni kirkjunnar, Kristný Rós Gústafsdóttir, samverustund sunnudagaskólans, ásamt Jarþrúði Árnadóttur guðfræðinema.