Ágætu bútasaumskonur.
Nú stendur yfir skráning á haustfagnaðinn, Með sól í hjarta á Hótel Sögu. Nú þegar eru yfir 60 konur búnar að boða komu sína. Við viljum hvetja ykkur til að hafa samband við klúbbsystur ykkar eða vinkonur og tilkynna komur ykkar fyrir 6. september.
Miða og borðapantanir hjá Svölu og Sirrý. Read more »
Nú styttist í opnun sýningar félagsins í Perlunni þann 10. september næstkomandi, Bút fyrir bút í 30 ár og Tækifæriskort. Fjórum dögum síðar, eða 14. september opnum við aðra sýningu, Color Connections í Ráðhúsi Reykjavík.
Einstakt tækifæri til þess að skoða fjölbreytt úrval bútasaumsverka, sjá nánar á meðfylgjandi boðskorti.
Prjónakaffið byrjar aftur fyrsta þriðjudag í september, 7 sept. klukkan hálfátta að kvöldi. Prjónakaffið verður núna á hverjum þriðjudegi í stað hálfsmánaðarlega áður, en 14 september sér hún PrjónaKella um prjónakaffið og sýnir það sem hún hefur á boðstólnum. Hún mun sjá um prjónakaffið einu sinni í mánuði í vetur. Boðið verður upp á kaffi og te og kannski eitthvað með því. Verið velkomnar prjónakallar og prjónakellur í Guðríðarkirkju!
Ágætu félagar. Nú er komið að stóru stundinni með opnun heimasíðunnar. Verkefni eins og þetta tekur alltaf lengri tíma en maður ráðgerir og sérstaklega á meðan maður er að læra á hlutina. Til stendur að bæta inn myndum og laga ýmsar síður. Þrátt fyrir einhverja minniháttar hnökra var ákveðið að virkja síðuna við fyrsta tækifæri því þetta verkefni tekur jú engan enda.
Borghildur og Erla.
Í maí 2011 verður haldin bútasaumshátíð í Hollandi OEQC . Nánari upplýsingar er að finna á heimasíðu Open European Quilt Championships og í meðfylgjandi auglýsingu.
Stefnt er að því að útbúa bútasaumsteppi fyrir hvert land sem tekur þátt í Olympíuleikunum árið 2012. Lesa má um verkefnið á eftirfarandi heimasíðum:
Bútasaumshátíðin “Festival of Quilts” verður haldin 19. – 22. ágúst 2010. Meðal annars verður sýning valdra listamanna á vegum “European Art Quilt” og eiga íslendingar fulltrúa í hópi sýnenda.
Á félagsfundi Íslenska bútasaumsfélagsins í vetur var tilkynnt að listakonan Gunnella hefði áhuga á að bjóða félögum félagsins til að vinna með sér að sameiginlegri sýningu. Þar yrðu sýnd málverk eftir hana og bútasaumsmyndir sem yrðu eftir verkum hennar. Pistill Gunnellu sem fluttur var á fundinum má finna hér. Read more »
Á heimasíðu “Quilt Museum and Gallery” má finna yfirlit yfir sýningar safnsins.
16. -19. september halda Frakka nú í 16 sinn sýningu í Saint Marie-aux Mines, Alsace. Read more »
RSS
