1. mars 2012
Það voru yfir 30 hressar konur sem mættu á félagsfund í Fella og Hólakirkju.
Soffía Magnúsdóttir Textíl-kennari var með fyrirlestur um Textíl-þrykk. Hún fræddi okkur um sögu textíl ásamt því að kenna okkur einfaldar aðferðir sem er hægt að nota heima með stimplum og fleira. Einnig sýndi hún hvað hún hefur verið að vinna við síðustu 10 ár, mjög áhugaverðar aðferðir með nagla,bolta og fleira til að búa til þrykk mynstur á silki og fleiri efni.
Lovísa kynnti nýjan vefstjóra ásamt Facebook stjóra sem er Erla Sigurðardóttir alnafna síðasta vefstjóra. Smelltu hér til að vera með okkur á Facebook
Sirrý minnti á að Munaðarleysingjarnir eru farnir að hittast aftur og er næsti fundur sunnudaginn 11. mars uppá Nethyl í húsnæði Heimilsiðnarðarskólans frá kl 10.00 – 15.00 ~ aðstöðugjald er 500 kr.
Einnig vildi stjórnin hvetja konur til að taka þátt í EQA samkeppninni Krossgötur og samkeppninni Strandmenning, sjá nánar um það neðar á síðunni. Stjórn félagsins óskar einnig eftir aðila í Ritnefnd, ef einhver hefur áhuga á að vera með í Ritnefnd vinsamlega hafið samband við stjórn Í.B á fingurbjorg@gmail.com.
Eftir kaffi -hlé var Borghildur með skemmtilega sögu í máli og myndum frá því að fjölskyldan fór í ferð til suður – Frakklands, og þar komust konurnar í dásamlega búð með vefnað. Og þar voru verslaðir fallegir hlutir unnir af fólki í þorpinu ~ en bútasaumskonan sjálf keypti 10 kg poka af afskurði og afgöngum, og er búin að vinna fallega hluti úr þeim sem hún kom með og sýndi okkur.
Hetjuteppa verkefnið er alltaf í gangi og minnt var á að skilafrestur á Hetjuteppum er í byrjun maí.
Margrét Ósk Árnadóttir var með teppi í Sýnt og sagt frá ~ kom með gullfallegt teppi í ljósum og ásamt litríkum Kaffe Fassett efnum. Flott stunga sem hún gerði sjálf ásamt mjög flottum frágangi á bindingu ~ saumaði hana niður með skrautspori, þar er saumavélin notuð til hins ýtrasta. Flott teppi í alla staði.
Að lokum var Borghildur með með Örnámskeið og kenndi rósettu-gerð, mjög skemmtileg aðferð til að gera sæt blóm, smelltu hér til að fá pdf-skjal með leiðbeiningum.
Einnig er hægt að smella á myndina til skoða bloggfærslu þar sem er kennt að gera rósettu~ blóm.
Fundi slitið 
Flokkað undir: Ýmislegt •
Engin athugasemd »
21. febrúar 2012
Félagsfundur Íslenska bútasaumsfélagsins verður haldin miðvikudaginn 29.febrúar kl. 20.00 í Safnaðarheimili Fella- og Hólakirkju.
Dagskrá:
- Soffia Magnúsdóttir, textílkennari og fl.
- Önnur mál / kaffihlé og spjall
- Örnámskeið / Borghildur Ingvarsdóttir, kennir rósettugerð
- Happdrætti
- Sýnt og sagt frá
Stelpur endilega verið duglegar að koma með stykki sem þið hafið gert eða eruð að vinna í ~ það er svo gaman að sjá hvað þið eruð að vinna í heima. Það mega líka vera gömul verkefni, sem þið eruð löngu búnar með.
Hvetjum alla til að mæta tímanlega því læsa þarf húsinu um leið og fundur hefst til þess að óviðkomandi aðilar séu ekki að vaða inn.
Og ekki gleyma að slökkva á gemsunum
Flokkað undir: Frá stjórn og nefndum •
Engin athugasemd »
14. febrúar 2012
Halló Halló !!
Hafið þið gleymt strandmenningunni ???
Skilafrestur þátttökutilkynninga rennur út í dag. Enn hafa allt of fáar tilkynningar borist .
Vitað er að margar hæfileikaríkar konur ætluðu að taka þátt en gætu hafa gleymt að tilkynna þátttöku.
Hér með er tilkynningafrestur framlengdur til 18. Febrúar.
Hér er hægt að lesa meira um samkeppnina
Hér er umsóknareyðublaðið
Stjórn Í.B.
Flokkað undir: Frá stjórn og nefndum, Samkeppnir •
Engin athugasemd »
10. febrúar 2012
Saumaþema Krossgötur
Krossgötur er samkeppni EQA 2012
Hugmyndin er að þið komið með efni og e.t.v. saumavélar. Á staðnum
verða konur sem vanar eru að taka þátt í samkeppnum. Þær munu aðstoða
við að velja saman efni og aðferð við að mynda krossgötur.
Tilvalið tækifæri fyrir nýliða til að fá innsýn í nýtt handbragð
Gaman væri ef sem flestar tækju þátt í samkeppninni. Ísland þarf að
velja 10 eða 12 verk til að senda á sýninguna í Birmingham í ágúst.
Kl. 12. Kemur Kristín Linda Jónsdóttir, ritstjóri Húsfreyjunnar með óvissuerindi.
Sýnt og sagt frá, saumahópi.
Önnur mál
Það verður kaffi á könnunni og þið komið með nesti.
P.s. Muna að taka með framlengingasnúrur….. og góða skapið
Flokkað undir: Frá stjórn og nefndum •
Engin athugasemd »
8. febrúar 2012
Námskeiðið Litafræði fyrir bútasaum hefst þriðjudaginn 14 febrúar (ef næg þátttaka næst).
Flokkað undir: Innlendir viðburðir •
Engin athugasemd »
30. janúar 2012
Saumafundur verður haldin í Safnaðarheimili Fella- og Hólakirkju laugardaginn 18 febrúar frá kl. 10 – 16. Dagskrá verður auglýst síðar.
Lovísa
Flokkað undir: Frá stjórn og nefndum •
Engin athugasemd »
30. janúar 2012
Sirry Poulsen hefur fengið húsnæði Heimilisiðnaðarfélagsins að Nethyl 2 til umráða fyrir Munaðarleysingjanna. Klúbburinn er opin öllum félagsmönnum Íslenska bútasaumsfélagins gegn 500 kr. þátttökugjaldi. Áætlaðir saumadagar frá 10-15 eru: 12/2, 11/3 og 15/4 2011.
Nánari upplýsingar veitir Sirry, sirryp hja gmail.com
Flokkað undir: Frá stjórn og nefndum •
Engin athugasemd »
25. janúar 2012
Vegna veðurs og ófærðar fellur félagsfundur niður í kvöld. Lovísa.
Flokkað undir: Frá stjórn og nefndum •
Engin athugasemd »
29. desember 2011
Félagsfundur Íslenska bútasaumsfélagsins verður haldin miðvikudaginn 25. janúar kl. 20.00 í Safnaðarheimili Fella- og Hólakirkju.
Dagskrá:
- Kristín Linda Jónsdóttir, ritstjóri Húsfreyjunar.
- Önnur mál/ kaffihlé og spjall.
- Happadrætti.
- Sýnt og sagt frá.
Hvetjum alla til að mæta tímanlega því læsa þarf húsinu um leið og fundur hefst til þess að óviðkomandi aðilar séu ekki að vaða inn.
Flokkað undir: Frá stjórn og nefndum •
Engin athugasemd »
RSS