Íslenska bútasaumsfélagið

Velkomin á heimasíðu Íslenska bútasaumsfélagsins (Íb) sem er fyrir áhugafólk um bútasaum. Íb fundar einu sinni í mánuði yfir vetrartímann þar sem boðið er upp á fjölbreytta dagskrá og fræðslu. Á fundunum sýna félagar líka verk sín og segja frá. Íb er með saumadag í janúar, þar sem m.a. er boðið upp á kennslu í ýmsum aðferðum er tengjast bútasaumnum eða hver og ein saumar sitt. Þá stendur félagið fyrir samkeppnum sem eru eingöngu fyrir félagsmenn og sýningum þar sem félagsmenn sýna verk sín. Aðalfundur er haldin ár hvert að vori og annað hvert ár höfum við reynt að fara út fyrir höfuðborgarsvæðið til að halda aðalfundinn og hitta fleiri félagsmenn. 

 Íb gefur út vandað fréttablað einu sinni á ári sem sent er á skuldlausa félagsmenn.

Íb er meðlimur í EQA (European Quilt Association) http://www.e-q-a.eu/ásamt 18 öðrum löndum innan Evrópu. EQA stendur árlega fyrir stórri bútasaumssýningu í Birmingham sem mörg okkar hafa sótt eða kannast við. Öll aðildarlöndin eiga að taka þátt í starfi EQA og hefur Ísland sent verk á sýningar sambandsins. Þessi verk fara á milli aðildarlandanna þar sem þau eru sýnd. 

Við hvetjum lesendur þessarar síðu til að gerast félagar í Íslenska bútasaumsfélaginu. Árgjaldið er aðeins 4.500kr. 

Einnig þætti okkur gaman að fá myndir og efni frá félagsmönnum til að setja hér inn á síðuna , sendist á formadur@butasaumur.is