European Quilt Association, EQA, stendur fyrir nýrri alþjóðlegri bútasaumsáskorun fyrir árin 2026–2027 undir yfirskriftinni „DESIRE – Löngun“.
Markmið EQA er að efla bútasaum þvert á landamæri, menningarheima og tungumál. Þriðja árið í röð hefur EQA fengið sýningarrými á Abilmente Primavera í Vicenza á Ítalíu, þar sem valin verk úr áskoruninni verða sýnd í febrúar 2027.
Þátttakendur eru hvattir til að túlka hugtakið Desire út frá eigin hugmyndum og ímyndunarafli og skapa frumlegt textílverk.
Helstu reglur
Verkið skal tengjast þemanu „DESIRE – Löngun“. Nota má hvaða tækni eða stíl sem er, en þrívíð verk eru ekki tekin gild.
Verkið skal vera:
- 80 cm á breidd og 120 cm á hæð, með ±2 cm fráviki
- í lóðréttri uppsetningu
- einhliða, ekki tvíhliða
- með að minnsta kosti 10 cm breiðum upphengisvasa á bakhlið, 2 cm frá efri brún.
Verk sem uppfylla ekki stærðarkröfurnar verða ekki tekin gild.
Allir félagar í aðildarfélögum EQA mega taka þátt og ekkert þátttökugjald er innheimt. Verkin eru ekki til sölu.
Mikilvægar dagsetningar
15. september 2026
Síðasti dagur til að skrá þátttöku og senda skráningarblað til landsfulltrúa EQA.
15. nóvember 2026
Skila þarf þremur ljósmyndum í hárri upplausn af fullunnu verki ásamt stuttri lýsingu listamanns. Dómnefnd velur verkin út frá ljósmyndum og lýsingum.
15. desember 2026
Fullunnið verk skal hafa verið sent til landsfulltrúa EQA.
Dómnefnd og sýning
Val verka verður nafnlaust og í höndum alþjóðlegrar dómnefndar faglegra bútasaumsdómara frá aðildarlöndum EQA.
Þau verk sem verða valin verða sýnd á Abilmente Primavera í Vicenza í febrúar 2027. Þátttakendur sem fá verk sitt valið fá aðgöngumiða á sýninguna og verðlaun verða veitt fyrir Best in Show og tvö verk í næstu sætum.
Athugið: Ekki skal birta heildarmynd af verkinu opinberlega eða á samfélagsmiðlum áður en EQA hefur birt verkin.
Reglur og skráning
Upprunalegt skjal EQA
[PDF – reglur og skráningarblað á ensku]
[Word – reglur og skráningarblað á ensku]
Íslensk þýðing til stuðnings
[PDF – íslensk þýðing]
[Word – íslensk þýðing]
Athugið: Íslenska útgáfan er þýðing til upplýsinga og stuðnings. Við formlega skráningu skal nota upprunalegt skráningarblað EQA á ensku.