Teppi handa Hetju er heiti á verkefni félagsins en tilgangurinn er að gleðja langveik börn og unglinga.   Verkefni sem þetta er algeng meðal bútasaumsunnenda um allan heim, þar sem teppi eru t.d. gefin sjúklingum og slökkviliði staðarins svo dæmi séu tekin.  Félagið hefur verið í samstarfi við Umhyggju stuðningsfélag langveikra barna sem sér um dreifingu þeirra til barnanna.

Hvað þarf að hafa í huga við gerð hetjuteppa?

• Teppin eru fyrir börn á aldrinum 0-18.
• Lágmarkstærð á ungbarnateppi skal vera 1 x 1 metri
• Teppið þarf að vera vel saumað og þola tíðan þvott.
• Teppið þarf að vera vel stungið í vél eða handstungið.  Miðað skal við að óstungin flötur skuli ekki vera stærri en lófi (u.þ.b. 10 cm).   Reynslan segir okkur að efnið slitnar fyrr í litlu stungnu teppi.
• Merkja skal teppið með nafni klúbbs eða einstaklings og ártali.  Merking þarf að vera skýr og varanleg. Einnig skal textinn “Teppi handa hetju” koma fram á merkimiðanum.
• Öll teppi sem skila sér til nefndarinnar eru skráð sem Hetjuteppi með mynd, stærð, ártali og nafni gefanda.
• Skilafrestur er alltaf viku fyrir aðalfund á hverju ári.

Með kveðju og kærum þökkum fyrir framlög ykkar á liðnum árum, Dagbjört Guðmundsdóttir, Borghildur Ingvarsdóttir og Hrönn Antonsdóttir.