Ýmislegt

Verum sýnileg með bútasauminn !

Verum sýnileg með bútasauminn laugardaginn 21.júní!

Hvar ætlum við bútasaumsfólk á Íslandi að vera laugardaginn 21.júní 2014?   Er ekki kominn tími til að feta í fótspor nágranna okkar og halda uppá dag bútasaumsins?

Evrópsku bútasaumssamtökin EQA hafa undanfarin ár haldið uppá þriðja laugardag í júní og gert hann að degi bútasaumsins, (QUIP quilt in public day). Við getum kallað daginn VERUM SÝNILEG MEÐ BÚTASAUMINN, til að byrja með.

Stjórn Íslenska bútasaumsfélagsins finnst ástæða til að taka upp þennan skemmtilega sið og vill hvetja félagsmenn og aðra áhugasama um bútasaum að finna sér stað og stund laugardaginn 21.júní til að vera sýnileg með bútasauminn á almannafæri. Vinkonur og klúbbar gætu haldið upp á daginn saman og gert hann að sumarsaumaklúbbi ársins. Aðalatriðið er að koma saman þar sem áhorfendur eru til þess að vekja athygli á þessu skemmtilega tómstundagamni okkar.

Kíkið á Facebook síðu félagsins og búið til hópa til að vera með 21.6.

Góða skemmtun! Hér kemur tenging á heimasíðu norska bútasaumsfélagsins, sem segir meira: http://www.nqf.no/quip/


The Festival of Quilts 2014

Nánari upplýsingar um sýninguna The Festival of Quilts 2014  er hægt að fá á mailinu fingurbjorg@gmail.com


Bútasaumssýning

Smellið á myndirnar til að stækka.


Vegvísir.


Vorferð 2014

Vorferð Íslenska bútasaumsfélagsins verður farin laugardaginn 26.apríl 2014.

Að þessu sinni er ferðinni heitið á Njálusetrið á Hvollsvelli, þar sem við stöldrum við og saumum nokkur spor í Njálurefilinn.

Ferðatilhögun:

kl:9.00 Lagt af stað frá bílastæðinu við Grensáskirkju

kl:9.45 Komið til Selfoss þar sem við heimsækjum tískuverslunina Lindina . Möguleiki á fleiri búðum s.s. Bútabæ

kl:11.00 Haldið áfram og næst verður það Hótel Rangá þar sem við skoðum m.a Íslandskortið sem er bútasaumsverk

kl:12.00 Léttur hádegisverður á Hótel Rangá

kl:13.00 Haldið áfram að Njálusetrinu þar sem okkur gefst kostur á að sauma í refilinn og kynna okkur setrið.

kl:15.00 Lagt af stað til baka. Á leiðinni verður stoppað í Þingborg eða annars staðar.

Skipuleggjendur áskila sér rétt til minniháttar breytinga á dagskrá og stoppum.

Verð: 6000,- kr  allt innifalið

Þátttaka tilkynnist fyrir 15.apríl á netfangið fingurbjorg@gmail.com eða til Ragnheiðar í síma 86039298603929 og  Brynju í síma 89720688972068


Félagsfundur ~ Saumadagur

Fyrsti fundur Íslenska bútasaumsfélagsins á nýju ári,  verður saumafundur, í safnaðarheimilinu við Grensáskirkju, Háaleitisbraut 66  laugardaginn 25 janúar 10:00 – 16:00.

Dagskrá:

Jóhanna Viborg frá Frú Bóthildi kemur með smá verkefni þar sem hún kennir okkur pappírssaum / (paper piecing).
Til þess þarf að hafa  með sér:
Saumavél, skæri, tvinna og vattefni á milli laga (t.d. Flónel eða vatt)

Jóhanna mætir með efni í poka sem verður hægt að kaupa á staðnum, annars mæta konur með sín efni.

Ekki þarf að skrá til þátttöku, frjálst að mæta með sitt eigið verkefni og suma að eigin vild. Oft er gott að koma með vandamálin á svona fundi og leita ráða því á saumafundum er saman kominn mikill fróðleikur með lausnir á öllu.

Eftir hádegi:
Þá kemur  Halldóra Hafdís Arnardóttir og ætlar að fræða okkur um hvað þarf til að prenta myndir á efni.

Gott að taka með:
Mottu, framlengingasnúrur ljós, skera og fleira.

Aðgangur kr. 1.000,-

Heitt verður á könnunni allan daginn og í hádeginu er stutt í bakarí og Nóatún

Hlökkum til að sjá ykkur


Námskeið í skapandi bútasaum

Undirrituð var með fyrirlestur um skapandi bútasaum á fundi félagsins þann 25. september síðastliðinn. Í framhaldi af því hélt ég námskeið á heimili mínu. Nú langar mig að bjóða aftur uppá samskonar námskeið. Hvert námskeið er aðeins í fjögur skipti, þrír tímar í hvert sinn, frá klukkan 5-8. Ég tek einungis fjóra nemendur til að geta leiðbeint hverjum og einum.

Kennt verður eftirtalda þriðjudaga: 28.jan. 4.febr. 18.febr. og 4.mars.

Markmið námskeiðsins er að efla færni þátttakenda í litasamsetningum og myndbyggingu, í gegnum fjölbreyttar aðferðir bútasaums, með áherslu á persónulegar og skapandi útfærslur. Megin áherslan er á endurnýtingu og fjölbreytt efnisúrval. Reiknað er með að þátttakendur vinni á milli tíma þannig að námskeiðið nýtist sem best.

Kennslan fer fram á heimili mínu að Njálsgötu 59. Þið sem voruð á fyrirlestrinum sáuð að heimilið er einnig textílsafn. Ég mun einnig kynna og sýna safnið.

Þið sem hafið áhuga hafið samband í tölvupósti sigrug@hi.is eða í síma 551-6059 / 862-6059. Þið fáið síðan nánari upplýsingar um námskeiðið.

Verð: 14.000 á mann.

Ég mun bjóða uppá te og kaffi og eitthvað með.

Örlítið um minn bakgrunn: Ég hef kennt skapandi greinar, aðallega textíl í rúm 35 ár, þar af 22 ár við kennaradeild menntavísindasviðs HÍ, fyrrverandi Kennaraháskóla Íslands. Samhliða því hef ég unnið fjölbreytt viðfangsefni innan fatahönnunar og myndlistar, skrifað þrjár bækur um fatasaum og kennt mynd- og handmenntagreinar á hinum ýmsu námskeiðum.

Með kærum kveðjum. Sigrún Guðmundsdóttir


NQT 2014

Árið 2014 mun Norska bútasaumsfélagið skipuleggja  „Nordisk Quilttreff“ Ákveðið hefur verið að haldin viðburðinn í Sarpsborg, bæ u.þ.b. 100 km austan við Osló.
Í tengslum við Nordisk quiltetreff  vinna nokkrir aðilar  í nágrannabænum Fredrikstad, að tillögum að kynna norræna og alþjóðlega textíllist í tengslum við NQT 2014. Í hópnum eru auk undirbúningsnefndar fyrir NQT 2014, m.a. Bente Vold Klausen og xx undirrituð ásamt samstarfsaðilum frá Fredrikstads Museet.
Auk þess sem við kynnum norskt textíllistafólk viljum við m.a. kynna Charlotte Yde, Fenella Davies og Claire Benn. Safnið í Fredrekstad ætlar að standa fyrir kynningu fyrir börn á bútasaumi.
Dagskráin verður haldin í gamla bænum í Fredrikstad, sem hefur upp á margt að bjóða og er áhugaverður.
Við viljum gefa fólki tækifæri á að kynna sér textíllist sem viðbót fyrir þá gesti sem heimsækja NQT 2014.

NQT 2014 bæklingur


Jólastemning í saumahittingi Munaðarleysingjanna

Síðasti hittingur á þessu ári verður á sunnudaginn 8.des frá kl: 10.00 – 14.30
Hittumst að venju í húsi Heimilsiðnaðarskólans að Nethyl 2. Kaffi á staðnum en hádegissnarl þarf að taka með. Aðstöðugjald er 500 kr.
Hlökkum til að sjá ykkur


Til sölu saumavél

Til sölu Húsqvarna viking designer 1 og ýmsir fylgihlutir sem fylgja með henni. Útsaumsvélin hefur verið notuð tvisvar.

Nánari upplýsingar eru hjá Sigríði
Simanr. 892-4231


Námskeið í skapandi bútasaum

Sigrún Guðmundsdóttir textílkennari var með fyrirlestur á fundi félagsins þann 25. september. Vegna mikils áhuga sem var sýndur á fundinum ætlar Sigrún að halda námskeið.

Námskeiðið er 9 stunda námskeið sem dreifist á 3 skipti. Farið verður í megin aðferðirnar sem hún hefur unnið með, en hver þeirra er einskonar grunnur sem hægt er að vinna með á ótal vegu. Reiknað er með að þið vinnið sjálfar á milli tíma þannig að námskeiðið nýtist ykkur sem best.

Sigrún tekur aðeins 4 í einu til að geta leiðbeint hverri og einni. Kennslan fer fram á heimili Sigrúnar að Njálsgötu 59. Eins og þið sáuð í fyrirlestrinum er heimilið einnig textílsafn, sem hún mun sýna ykkur.

Sigrún ætla að setja upp tvö námskeið, frá klukkan 5-8 og sjá hvernig það hentar. Ef þið hafið aðra tíma í huga get hún athugað það.

Þriðjudagar: 22.okt. 5.nóv. 19.nóv. (tvær vikur á milli)

Fimmtudagar: 24.okt. 31.okt. 7.nóv. (vika á milli)

Forsenda þess að hægt sé að vinna skapandi með bútasaum er fjölbreytt efnisúrval og ólíkar efnisgerðir. Þið sem hafið áhuga: Hafið samband í tölvupósti sigrug@hi.is  Sigrún mun þá senda ykkur nánari upplýsingar. Verð á námskeiði er 10.500 á mann. Sigrún mun bjóða uppá te og kaffi og eitthvað smátt með.