Námskeiðið Litafræði fyrir bútasaum hefst þriðjudaginn 14 febrúar (ef næg þátttaka næst).
Innlendir viðburðir
Jólabasar 11-12 desember
Félagskonum stendur til boða að selja vörur sínar á Jólabasar í Sjóminjasafninu 11-12 desember næstkomandi. Þetta er tilvalið tækifæri til að selja bútasaumstengdan jólavarning endurgjaldslaust. Vinsamlegast tilkynnið þátttöku fyrir 1. desember til Svölu í síma 863 1414.
“The Sketchbook Project”
Skissubókar verkefnið er farandsýning sem er sköpuð af listamönnum eins og þér! Þátttaka er opin öllum en skrá verður þátttöku fyrir 31. október, við skráningu þarf að velja eitt þema af 40 mögulegum. Skráningargjald er 28 USD og þá færðu senda tóma skissubók. Þegar verkefninu lýkur þarf að senda bókina til baka fyrir 31. janúar 2012. Árið 2012 verður efnt til farandsýningar með innsendum skissubókum en bækurnar verða síðan varðveitar af safninu Brooklyn Art Library. Óski þátttakendur eftir verður skissubókin skönnuð inn og verður síðar aðgengileg á vefnum gegn 20 USD greiðslu.
Bútasaumssamkeppni Storksins
STORKURINN efnir til bútasaumssamkeppni í samstarfi við tvinnaframleiðandann Gütermann. Þemað er: FERÐALAG. Skilafrestur er til 1. október 2011. Nánar má lesa upp keppnina hér.
Bútasaumsnámskeið – apríl 2011
Guðrún Erla Gísladóttir ráðgerir að halda bútasaumsnámskeið:
6. apríl í Reykjavík, 7. apríl á Blöndósi, 9. apríl á Selfossi og 12. apríl á Egilsstöðum.
Skráning er hjá Guðrúnu Erlu í gudrun@gequiltdesigns.com.
Föstudaginn 8. apríl heldur Guðrún Erla fyrirlestur á Selfossi um reynslu sína sem sniða- og efnishönnuður í Bandaríkjunum.
Annað byrjendanámskeið haldið í lok febrúar
Íslenska bútasaumsfélagið þakkar góðar undirtektir við byrjunarnámskeiðinu sem hefst um næstu helgi. Biðlisti hefur myndast og hefur því verið skipulagt annað námskeið helgina 26.-27. febrúar á sama stað. Örfá pláss eru laus, en þær sem eru á biðlista ganga fyrir. Mikilvægt er að greiða námskeiðsgjald við skráningu eða í seinasta lagi þremur vikum fyrirfram.
Námskeiðslýsingu má lesa hér.
Hetjudagur, laugardaginn 8. janúar 2011, kl. 9.00
- Saumadagur þar sem Hetjuteppi verða saumuð. Félagsmenn komi með saumavélar, framlengingarsnúrur, tvinna og annað til sauma. En sameinast um straujárn og –borð.
- Afhentir verða pokar með tilsniðnum teppum til að sauma. Einnig geta félagsmenn komið með eigin Hetjuteppi til að sauma.
- Félagsmenn sameinast um að koma með rétti til að bera á borð í hádeginu.
Saumadagurinn verður haldin í Safnaðarheimili Fella- og Hólakirkju.
Samkeppni og vorsýning Íslenska bútasaumsfélagsins 2012 “Strandmenning”
Búið er að velja þema fyrir næstu áskorun Íslenska bútasaumsfélagsins en það er “Strandmenning”. Sýningin verður haldin í Víkinni, Sjóminjasafninu í Reykjavík og er áætlað að opna hana í maí 2012. Við hvetjum alla félagsmenn til að taka þátt, en nánari upplýsingar um áskorunina er að finna hér og umsóknareyðublað er að finna hér.
KorpArt laugardaginn 6. nóvember
KorpArt hópurinn á Sjónlistamiðstöðinni á Korpúlfsstöðum í Grafarvogi mun opna vinnustofur sínar laugardaginn 6. nóvember frá kl. 13.00 til 17.00.
RSS
