nóvember 2015

Bútamessa 29. nóvember

Fyrsti sunnudagur í aðventu, 29. nóvember 2015.

Sunnudaginn 29. nóvember n.k.; fyrsta sunnudag í aðventu, verður bútasaumsmessa í Áskirkju kl. 11:00. Um er að ræða messu með þátttöku félaga úr Íslenska bútasaumsfélaginu, sem lesa ritningarlestra og sýna verk sín. Guðspjall dagsins segir m.a. frá því að mannfjöldinn í Jerúsalem hafi fagnað Jesú við innreið hans til borgarinnar með því að breiða klæði sín á veginn. Því fer vel á að bútasaumsverk verði breidd út og sýnd í kirkjunni og einnig höfð til sýnis í safnaðarheimili kirkjunnar að messu lokinni, þar sem boðið verður upp á kleinur með kaffinu.
Íslenska bútasaumsfélagið hefur starfað í rúm 15 ár og staðið fyrir fjölbreytilegum námskeiðum og sýningum á ýmsum stöðum, og meira að segja haldið vinnudag í safnaðarheimili Áskirkju, þar sem félagar hafa borið saman bækur sínar og búta, enda veitir bútasaumur mikinn félagsskap og stuðlar að góðri samvinnu.
Félagar í Íslenska bútasaumsfélaginu hafa í gegnum tíðina saumað teppi sem afhent hafa verið Umhyggju, félagi langveikra barna. Börnin hafa valið sér teppi sem hafa glatt þau og veitt þeim yl.
Sr. Sigurður Jónsson sóknarprestur prédikar við messuna og þjónar fyrir altari. Kammerkór Áskirkju syngur. Organisti er Magnús Ragnarsson. Barnastarfið verður á sínum stað, og annast djákni kirkjunnar, Kristný Rós Gústafsdóttir, samverustund sunnudagaskólans, ásamt Jarþrúði Árnadóttur guðfræðinema.


Jólafundur 18. nóvember kl.19.30

Dagskrá fundarins sem haldin verður í safnaðarheimili Grensáskirkju er:

  • Hugvekja á léttum nótum.
  • Sýnt og sagt frá jólaverkum.
  • Jólasúkkulaði og marsípanterta.
  • Jólasamkeppni kynnt og verðlaunaafhending.
  • Jólagjafir afhentar.

Vegna hækkunar á leigu salarins er nauðsynlegt að hækka þátttökugjaldið í 700 kr. fyrir félagsmenn og 1.000 kr. fyrir aðra fundargesti.


Dagskrá veturinn 2015 – 2016

Miðvikudagur 18. nóvember 2015. Jólafundur

Sunnudaginn 29. nóvember 2015.Bútasaumsmessa. Kl 11:00 í Áskirkju

Laugardag 23. Janúar 2016: Saumafundur

Miðvikudagur 17. febrúar. 2016

Laugardagurinn 9. Apríl 2016. Aðalfundur.

Laugardagurinn 30. Apríl 2016. Vorferð

Sunnudagurinn 19. júní 2016. Evrópski bútasaumsdagurinn